Eigarar av M/S Vestgar:
1957 – 1960: Øygardsbåtane L/L, Bergen
1960 – 1979: Øygarden & Sotra Rutelag L/L, Bergen
1979 – 2007: Pinsemenigheten Filadelfia, Oslo
2007 – Øygardsbåtane AS, Sotra
Øygardsbåtane L/L såg dagens lys i 1940. Det var det gamle selskapet A/S Hjelme & Herlø Dampskibsselskab som skifta namn. I 1960 skifta Øygardsbåtane namn til Øygarden & Sotra Rutelag L/L etter ein samanslåing av Øygardsbåtane og Sotra Billag.
Vi er no 25 aksjonerer som har gjenstifta Øygardsbåtane AS i juni i 2007. Formålet er å kjøpa, ivareta og drifta M/S Vestgar. Styreleder er Einar Geitanger. Helge Eide og Lars Olsen er styremedlemmer.
Då Vestgar var ny i 1957, var den innreda som ein tradisjonell rutebåt og sjøbuss. På øverste dekk var det ein stor, lys og triveleg salong med 81 sitjeplassar. I salongen på hoveddekket var det 90 sitjeplassar. Totalt var båten sertifisert for 252 passasjerar. På framdekket var det lastekarmar med lasterom. Til og med eget postkontor og kreaturstall var det. 8 meter høg mast med bom som kunne ta 2 tonn. |
Vestgar ankommer Bergen 7. februar 1957.
Bygd som langrutebåt for Øygarden. Var eit veldig framsteg den gang; tidsmessig, komfortabel, rommeleg og med god fart. Mest brukt i langruta til Hernar – Nordøysund. Gjekk to ganger om dagen og tok om lag 5 timar kvar veg, med inntil 28 anløp. Dette var Vestgar si heimebane, og knytta samen øyene i området.
M/S Vestgar var den siste rutebåten som gjekk i rute mellom Bergen, Fjell og Øygarden. Fredag 30. mai 1979 kl. 13.00 la den ut frå Torgutstikkeren for siste gang i rute Geitanger – Ramsøy – Hernar – Nordøysund – Tjeldstø. Ein epoke i samferdselshistorien i vårt distrikt var slutt.
